rencang

kuring teh gaduh kajadian anu aneh bin ajaib,
ngeunaan "rencang"
jadi kieu caritana,
basa kuring ulin ka bumi tatanggi, harita teh aya mitoha na tatanggi, urang tasik.
basa sunda na meuni lancar pisan eta mitoha na tatanggi teh.

eh, anjeuna naros ka kuring,
"di bumi gaduh rencang?" taros anjeuna.
kuring teh bingung, maksud na naonnya?
kan ieu ge nuju ulin ka bumi rencang, gerentes kuring na jero hate.

"eta, di dapur gaduh rencang?" taros anjeuna deui, sabab ningal kuring ngabetem bingung.

"oh, aya, tadi tos meser atahan," jawab kuring sabari nyengir.
"hehehe... bukan temen nasi, maksudnya punya pembantu gak?" rencang kuring seuseurian sabari ngajelaskeun duduk perkara nu sajentre na make basa Indonesia.

kuring ngan cengar-cengir bae era, kawas budak dungu euy....


wengi na, si aA carita ka kuring ngeunaan "rencang".
jadi ceuk aA teh, aya tatanggi sebat wae bapa A,
nah, bapa A teh carita yen anjeuna tadi wengi milarian rencang sangu dugi ka tengah kota, eh, pas uih malah aya eta nu icalan rencang sangu di caket pos satpam.

aA naros, warung enggal kitu pa?
sabab sainget aA da emang teu aya warung rencang sangu di caket pos satpam mah.

"eta, tukang goreng sangu", waler si bapa.
aA jadi bingung, emang sangu goreng dikategorikan sebagai rencang sangu kitu?